گھر بیٹھے موبائل پر ہی ڈیتھ اور برتھ رجسٹریشن کروائیں؛ مگر کیسے؟ آسان طریقہ جانیے

محکمہ بلدیات نے شہریوں کی سہولت کے لیے ایک نئی موبائل ایپ متعارف کر دی ہے۔

 نئی موبائل ایپ کے ذریعے اب پیدائش اور موت کی رجسٹریشن گھر بیٹھے کی جا سکے گی۔ اس ایپ کا نام سی آر ایم ایس رکھا گیا ہے۔

محکمہ بلدیات کے مطابق شہریوں کو اب لمبی قطاروں میں انتظار کرنے یا دفاتر کے چکر لگانے کی ضرورت نہیں پڑے گی۔ صرف موبائل فون کے ذریعے تمام معلومات درج کر کے درخواست جمع کی جا سکے گی۔

ایپ میں صارف اپنی ذاتی معلومات، خاندان کا ریکارڈ اور مطلوبہ دستاویزات اپ لوڈ کرے گا۔ ڈیٹا مکمل ہونے کے بعد درخواست کی باقاعدہ جانچ کی جائے گی۔ منظوری کے بعد شہری اپنے موبائل سے ہی سرٹیفکیٹ آن لائن ڈاؤن لوڈ کر سکیں گے۔