کرک: پولیس موبائل پر حملہ، 5 اہلکار شہید

کرک میں پولیس موبائل پر فائرنگ کے نتیجے میں 5 اہلکار شہید ہوگئے ہیں۔

تفصیلات کے مطابق یہ واقعہ تھانہ گرگری کے علاقے میں پیش آیا، فائرنگ کے دوران 5 اہلکار گاڑی میں سوار تھے۔

ڈی پی او کرک سعود خان نے واقعے کی تصدیق کرتے ہوئے کہا کہ اس حملے میں کسی بھی اہلکار کی جان نہ بچ سکی۔

پولیس حکام نے بتایا کہ واقعے کی جگہ پر فوری طور پر بھاری نفری پہنچا دی گئی ہے، علاقے کا محاصرہ کر کے شواہد جمع کیے جا رہے ہیں اور ملزمان کی گرفتاری کے لیے سرچ آپریشن جاری ہے۔

اس سانحے کے بعد کرک میں سیکیورٹی کے سخت انتظامات کر دیے گئے ہیں اور مقامی پولیس الرٹ پر ہے۔