سیکیورٹی فورسز کا بلوچستان میں انٹیلی جنس بیسڈ آپریشن؛ 4 دہشت گرد ہلاک

آئی ایس پی آر کا کہنا ہے کہ سیکیورٹی فورسز نے بلوچستان میں انٹیلی جنس بیسڈ آپریشن کے نتیجے میں 4 دہشت گرد ہلاک کردیئے۔

پاک فوج کے شعبہ تعلقات عامہ ( آئی ایس پی آر ) کے مطابق سیکیورٹی فورسز نے بلوچستان کے ضلع پنجگور میں انٹیلی جنس بیسڈ آپریشن کیا، آپریشن کے دوران بھارتی اسپانسرڈ فتنہ الخوارج کے 4دہشت گرد ہلاک ہو گئے۔

آئی ایس پی آر کا کہنا ہے کہ دہشت گردوں سے اسلحہ، گولہ بارود اور دھماکا خیز مواد برآمد ہوا، ہلاک دہشت گرد متعدد دہشت گرد کارروائیوں میں ملوث تھے۔

آئی ایس پی آر کے مطابق فورسز نے آپریشن کے دوران خوارج کے ٹھکانوں کو مؤثر انداز میں نشانہ بنایا، علاقے میں موجود دیگر دہشت گردوں کے خاتمے کیلئے کلیئرنس آپریشن جاری ہے۔