ڈرائیونگ لائسنس بنوانے والوں کیلئے بڑی خبر آگئی

ڈی آئی جی ٹریفک محمد وقاص نذیر کی قیادت میں ٹریفک پولیس جدید خدمات کی فراہمی میں سرگرم ہے۔ سال 2025 میں شہریوں نے آن لائن لائسنسنگ سہولیات کا بھرپور فائدہ اٹھایا۔

ترجمان کے مطابق 38 لاکھ سے زائد شہریوں نے آن لائن لرنر لائسنس حاصل کیا۔ اس کے علاوہ 12 لاکھ سے زائد شہریوں نے اپنے لرنر یا ریگولر لائسنس کی آن لائن تجدید کروائی۔ تقریباً 10 ہزار شہریوں نے ڈپلیکیٹ لائسنس کو دوبارہ حاصل کیا۔

اوورسیز پاکستانیوں میں بھی آن لائن سہولت کا رجحان بڑھا۔ 4500 سے زائد اوورسیز پاکستانیوں نے انٹرنیشنل لائسنس آن لائن رینیو کروایا۔ ڈی آئی جی ٹریفک کے مطابق 50 لاکھ سے زائد شہریوں نے ای ڈرائیونگ لائسنس موبائل یا کمپیوٹر پر ڈاؤن لوڈ کیا۔

ڈی آئی جی ٹریفک محمد وقاص نذیر نے شہریوں سے درخواست کی ہے کہ وہ قطاروں اور موسم کی شدت سے بچنے کے لیے آن لائن پورٹل کا استعمال کریں۔ شہری آن لائن پورٹل کے ذریعے لرننگ، لائسنس کی تجدید اور ڈپلیکیٹ لائسنس کی سہولت حاصل کر سکتے ہیں۔