آئی ایس پی آر ونٹر انٹرن شپ 2026: نوجوانوں کی فکری تربیت اور قومی شعور کی مضبوط بنیاد

 پاک فوج کے زیر اہتمام آئی ایس پی آر ونٹر انٹرن شپ 2026 ملک کے 25 شہروں میں 27 مختلف مقامات پر منعقد کی جا رہی ہے۔ یہ انٹرن شپ پروگرام نوجوانوں کو قومی ترقی کے لیے باصلاحیت اور بااعتماد بنانے کے عزم کا مظہر ہے۔

12 جنوری سے 20 فروری تک جاری رہنے والی اس ونٹر انٹرن شپ میں 4500 سے زائد طلبہ و طالبات شرکت کر رہے ہیں۔ پروگرام میں شامل طلبہ کو قومی سلامتی کے موضوعات پر خصوصی لیکچرز دیے جائیں گے اور پاک فوج کی پیشہ ورانہ تربیت سے آگاہی کے لیے فوجی تنصیبات کے دورے بھی انٹرن شپ کا حصہ ہیں۔

انٹرن شپ کا مقصد نوجوانوں کو فکری، تعلیمی اور قومی سطح پر مضبوط بنانا اور ملک کی ترقی و خوشحالی کے لیے تیار کرنا ہے۔ طلبہ نے انٹرن شپ کے تجربے کے بارے میں کہا کہ یہ پروگرام سیکھنے، سوچنے اور عملی میدان میں آگے بڑھنے کے مواقع فراہم کرتا ہے۔

طلبہ نے مزید کہا کہ آئی ایس پی آر انٹرن شپ منفی پروپیگنڈا کے برعکس حقائق سے آگاہی کا ایک مثبت پلیٹ فارم ہے اور انہوں نے پاک فوج سے اپنی محبت اور وابستگی کا بھی اظہار کیا، کہا: "فوج ہم سے ہے اور ہم فوج سے ہیں۔”