پیٹرولیم مصنوعات کی قیمتیں برقرار رکھنے کا نوٹیفکیشن جاری

وفاقی حکومت نے آئندہ مدت کے لیے پیٹرولیم مصنوعات کی قیمتوں میں کسی قسم کی تبدیلی نہ کرنے کا فیصلہ کیا ہے۔ اس فیصلے کے تحت پیٹرول اور ڈیزل دونوں کی موجودہ قیمتیں برقرار رہیں گی۔

پیٹرولیم ڈویژن کی جانب سے اس حوالے سے باضابطہ نوٹیفکیشن جاری کر دیا گیا ہے۔ نوٹیفکیشن کے مطابق پیٹرول کی فی لیٹر قیمت 253 روپے 17 پیسے پر برقرار رکھی گئی ہے۔

اسی طرح ہائی اسپیڈ ڈیزل کی قیمت میں بھی کوئی ردوبدل نہیں کیا گیا اور اس کی قیمت 257 روپے 8 پیسے فی لیٹر برقرار رہے گی۔

حکومتی فیصلے کو عوام کے لیے عارضی ریلیف قرار دیا جا رہا ہے، جبکہ آئندہ قیمتوں کا تعین عالمی منڈی میں تیل کی صورتحال کو مدنظر رکھتے ہوئے کیا جائے گا۔