سابق ایم این اے مولانا قاری محمد یوسف انتقال کرگئے

جمعیت علمائے اسلام کے سابق ایم این اے مولانا قاری محمد یوسف طویل علالت کے بعد انتقال کرگئے۔

تفصیلات کے مطابق سابق ایم این اے مولانا قاری محمد یوسف اسلام آباد کے پولی کلینک اسپتال میں زیرِ علاج تھے، جہاں انہوں نے آخری سانس لی۔

ان کی نماز جنازہ آبائی گاوں بٹگرام میں ادا کی جائے گی۔ اہل خانہ اور سیاسی حلقوں نے ان کے انتقال پر گہرے دکھ کا اظہار کیا ہے۔

یاد رہے کہ قاری محمد یوسف دو بار جمعیت علما اسلام کے ٹکٹ پر رکن قومی اسمبلی منتخب ہوئے تھے۔ وہ عوامی خدمت اور مذہبی خدمات کی وجہ سے جانے جاتے تھے۔