شہری ہو جائیں تیار!!! موسم کے حوالے سے نئی پیشگوئی آ گئی

ملک کے بیشتر علاقوں میں اگلے 24 گھنٹوں کے دوران موسم سرد اور خشک رہنے کا امکان ہے۔

 محکمہ موسمیات کی جانب سے پہاڑی علاقوں میں شدید سردی کے ساتھ جزوی ابرآلود موسم کی پیشگوئی کی گئی ہے۔ جبکہ شمال مشرقی پنجاب کے بعض اضلاع میں صبح کے وقت دھند چھائی رہے گی، جس سے حدِ نگاہ محدود ہو سکتی ہے۔

گزشتہ روز ملک کے مختلف حصوں میں موسم سرد اور خشک رہا، تاہم کشمیر، بالائی خیبر پختونخوا اور پوٹھوہار کے کچھ علاقوں میں بارش اور پہاڑوں پر برفباری بھی ہوئی۔ مالم جبہ اور مری میں تقریباً ایک انچ برف پڑی۔

کم سے کم درجہ حرارت بھی شدید سردی کی نشاندہی کر رہا ہے۔ لہہ میں منفی 10، قلات اور پاراچنار میں منفی 07، گوپس، مالم جبہ اور استور میں منفی 06، نتھیا گلی اور کالام میں منفی 05 جبکہ اسکردو میں منفی 04 ڈگری سینٹی گریڈ ریکارڈ کیا گیا۔