سرکاری ملازمین کیلئے اہم خبر آگئی

وفاقی حکومت نے سرکاری افسران کے لیے رہائشی مکانات کے کرایوں کی حد میں نظرثانی کر دی ہے۔ وزارت دفاع کو ہدایت کی گئی ہے کہ وہ اس فیصلے پر فوری طور پر عملدرآمد کرے اور ضروری اقدامات کرے۔

اسلام آباد، راولپنڈی، لاہور، کراچی، پشاور اور کوئٹہ کے لیے نئی رینٹل سیلنگز منظور کر دی گئی ہیں۔ یہ نئی حد صرف ان سرکاری افسران پر لاگو ہوگی جو خود کرایہ پر مکان لیتے ہیں۔

نوٹیفکیشن کے مطابق اگر کرایہ میں اضافہ کیا جائے تو یہ نظرثانی شدہ رینٹل سیلنگ کے مطابق ہوگا۔ نئے کرایے کا تعین مالک مکان کے مطالبے یا سرکاری حد میں سے کم کے مطابق کیا جائے گا۔ اس بات کو یقینی بنایا گیا ہے کہ نئے مکان کے کرایے کی ادائیگی اندازہ شدہ کرایہ سے زیادہ نہ ہو۔