پاک بحریہ کے سربراہ ایڈمرل نوید اشرف کا ملائیشیا کا سرکاری دورہ

آئی ایس پی آر کا کہنا ہے کہ پاک بحریہ کے سربراہ ایڈمرل نوید اشرف نے ملائیشیا کا سرکاری دورہ کیا۔

پاک فوج کے شعبہ تعلقات عامہ ( آئی ایس پی آر ) کے مطابق پاک بحریہ کے سربراہ ایڈمرل نوید اشرف کا ملائیشیا کا سرکاری دورہ کیا، ملائیشین نیوی ہیڈکوارٹر آمد پر گارڈ آف آنر پیش کیاگیا۔

آئی ایس پی آر کا کہنا ہے کہ ملاقات میں پاک، ملائیشیا بحری افواج کے تعلقات مزید مضبوط بنانے پر اتفاق ہوا، میری ٹائم سیکیورٹی تعاون بڑھانے پر تفصیلی تبادلہ خیال کیا گیا۔

آپریشنل کوآپریشن اور استعداد کار بڑھانے پر گفتگو کی گئی، سمندری سیکیورٹی چیلنجز سے نمٹنے کیلئے مشترکہ حکمت عملی پر زور دیا گیا۔

ایڈمرل نوید اشرف نے علاقائی استحکام میں پاک بحریہ  کے کردار کو اجاگرکیا، ریجنل میری ٹائم سیکیورٹی پٹرولز میں پاک بحریہ خدمات پر بریفنگ دی گئی، کمبائنڈ میری ٹائم فورسز میں پاکستان نیوی شرکت کا ذکر بھی کیا گیا۔