سندھ اور بلوچستان کے مختلف شہروں میں زلزلے کے جھٹکے

سندھ اور بلوچستان کے مختلف شہروں میں زلزلے کے جھٹکے محسوس کیے گئے۔

تفصیلات کے مطابق سندھ اور بلوچستان کے مختلف شہروں دادو، محراب پور، ہالائی، میہڑ اور گردونواح، نصیر آباد، جھل مگسی، سبی اور گردونواح میں زلزلے کے جھٹکے محسوس کیے گئے۔

 زلزلہ پیما مرکز کے مطابق زلزلے کی شدت ریکٹر اسکیل پر 5.6 اور گہرائی 13 کلو میٹر زیر زمین ریکارڈ کی گئی۔

زلزلہ پیما مرکز کے مطابق زلزلے کا مرکز خضدار بلوچستان کا علاقہ تھا۔