پاکستان میں پہلا روزہ کب ہوگا؟ اسپارکو کا اہم اعلان

اسپارکو نے رمضان المبارک کے چاند کی متوقع رویت کی سائنسی پیشگوئی کردی ہے۔

  ترجمان اسپارکو کے مطابق رمضان المبارک کا نیا چاند 17 فروری کو شام 5 بجکر ایک  منٹ پر پیدا ہوگا، 18 فروری کو غروب آفتاب کے وقت چاند کی عمر تقریباً 25 گھنٹے 48 منٹ ہوگی۔

ساحلی علاقوں میں غروب آفتاب اور غروب ماہتاب کے درمیان دورانیہ تقریباً 59 منٹ متوقع ہے، فلکیاتی اعداد و شمار کے مطابق 18 فروری کی شام چاند نظر آنے کے امکانات روشن ہیں۔

سائنسی پیشگوئی کے مطابق یکم رمضان المبارک 19 فروری کو ہونے کا امکان ہے، ترجمان اسپارکو کا کہنا ہے کہ چاند کی رویت کا حتمی انحصار عینی شہادتوں پر ہوگا، اسلامی مہینے کے آغاز کا باضابطہ اعلان رویت ہلال کمیٹی کرے گی۔