خیرپور: مسافر بس اور ٹرالر میں تصادم، 11 مسافر جاں بحق، متعدد زخمی

خیرپور کے علاقے ٹنڈو مستی کے قریب قومی شاہراہ پر مسافر بس اور ٹرالر کے درمیان خوفناک تصادم کے نتیجے میں 11 مسافر جاں بحق جبکہ متعدد زخمی ہوگئے۔

ریسکیو ذرائع کے مطابق مسافر کوچ بہاولپور سے کراچی جارہی تھی کہ راستے میں ٹرالر سے ٹکرا گئی۔ حادثے میں کوچ کا ڈرائیور بھی موقع پر ہی جاں بحق ہوگیا۔

ریسکیو حکام کا کہنا ہے کہ ابتدائی تحقیقات کے مطابق حادثہ کوچ کے بریک فیل ہونے کے باعث پیش آیا۔ زخمیوں کو فوری طور پر قریبی اسپتال منتقل کردیا گیا ہے۔