معروف سیاسی و سماجی رہنما انتقال کر گئے

مزنگ کی معروف سیاسی اور سماجی شخصیت حاجی غلام محی الدین انتقال کر گئے۔

حاجی غلام محی الدین کی نماز جنازہ آج سہ پہر ساڑھے 3 بجے 567 اے ایل ڈی اے ایونیو، رائے ونڈ روڈ پر ادا کی جائے گی۔ جنازے میں عزیز و اقارب، دوست احباب اور مختلف شعبہ ہائے زندگی سے تعلق رکھنے والی شخصیات کی شرکت متوقع ہے۔

خاندانی ذرائع کے مطابق حاجی غلام محی الدین، ای ٹی او ایکسائز ندیم محی الدین اور اے سی ریونیو علیم محی الدین کے والد تھے۔ مرحوم سینئر اسپورٹس جرنلسٹ عقیل احمد بلا کے سسر بھی تھے۔

اہلِ علاقہ اور سیاسی حلقوں نے مرحوم کے لیے دعا کی اور ان کی خدمات کو سراہا۔ حاجی غلام محی الدین اپنی پیشہ ورانہ زندگی کے ساتھ ساتھ سماجی خدمات اور عوامی فلاح و بہبود میں بھی سرگرم رہے۔