پاکستان سے پروازوں کی منسوخی کا سلسلہ جاری، ہزاروں مسافر پھنس گئے

ایران امریکا اور اسرائیل کے درمیان جاری تنازع کے باعث پاکستان سے مشرق وسطیٰ جانے والی پروازوں کی منسوخی کا سلسلہ چھٹے روز بھی جاری ہے، جس سے ہزاروں مسافر پھنس چکے ہیں۔

ملک کے مختلف ایئرپورٹس سے دبئی، دوحہ، ابوظبی، شارجہ اور بحرین سمیت دیگر خلیجی شہروں کے لیے پروازیں منسوخ کی گئی ہیں۔

یہ بھی پڑھیں : پاکستانی فضائی حدود سے پروازوں میں اضافہ، لاکھوں ڈالر منافع کی توقع

اعداد و شمار کے مطابق کراچی، لاہور، اسلام آباد، پشاور، ملتان اور فیصل آباد سے سینکڑوں پروازیں منسوخ کر دی گئی ہیں، جبکہ کچھ پروازیں بحفاظت روانہ ہونے کے لیے تیار ہیں۔

گزشتہ ایک ہفتے کے دوران پاکستان سے مشرق وسطیٰ جانے والی مجموعی طور پر گیارہ سو تیس پروازیں منسوخ ہو چکی ہیں۔

یہ صورتحال فضائی سفر کے نظام کو شدید نقصان پہنچا رہی ہے، جس کے باعث مسافروں کو سفری مشکلات کا سامنا ہے اور ایوی ایشن انڈسٹری کو بھاری مالی نقصان اٹھانا پڑ رہا ہے۔