کراچی والے تیاری کرلیں!!! گرج چمک کیساتھ بارش کی پیشگوئی

محکمہ موسمیات نے کراچی میں عید کے موقع پر گرج چمک کے ساتھ بارش کی پیشگوئی کر دی ہے، جس کے باعث شہر میں گرمی کی شدت میں کمی کا امکان ہے۔

 محکمہ موسمیات نے شہریوں کو آگاہ کیا ہے کہ آج موسم خشک رہے گا، ہوا میں نمی کا تناسب 80 فیصد تک پہنچنے کی وجہ سے گرمی زیادہ محسوس ہو رہی ہے۔ تاہم زیادہ سے زیادہ درجہ حرارت 31 ڈگری سینٹی گریڈ تک رہنے کا امکان ہے۔

چیف میٹرولوجسٹ کے مطابق کل سے شہر میں گرج چمک کے ساتھ بارش کا قوی امکان ہے۔ اس بارش سے گرمی کی شدت میں نمایاں کمی آئے گی اور عید کی خوشیوں میں اضافہ ہو سکتا ہے۔

محکمہ موسمیات نے ملک کے دیگر علاقوں میں بھی تیز ہواؤں کے ساتھ بارش کا امکان ظاہر کیا ہے۔ بعض علاقوں میں ژالہ باری کی بھی پیشگوئی کی گئی ہے۔