تین دن تک طوفانی بارشیں ہی بارشیں؛ محکمہ موسمیات نے بڑی پیشگوئی کردی

محکمہ موسمیات نے ملک کے مختلف علاقوں میں آئندہ تین روز تک بارشوں کی پیشگوئی کر دی ہے۔

اسلام آباد اور راولپنڈی میں عید کے روز بھی بارش کا امکان ظاہر کیا گیا ہے۔ آج مری، اٹک، جہلم اور لاہور میں بھی وقفے وقفے سے بارش متوقع ہے۔

خیبر پختونخوا کے مختلف علاقوں جیسے پشاور، ایبٹ آباد، دیر اور چترال میں بھی بارش ہو سکتی ہے۔ آزاد کشمیر اور گلگت بلتستان کے اضلاع میں بھی موسم کے خراب ہونے کا امکان ہے۔

بلوچستان کے شہروں سبی، تربت اور گوادر میں آج سے بادل برسنے کا آغاز ہوگا، جبکہ سندھ کے مختلف علاقوں میں بارش کا سلسلہ کل سے شروع ہونے کی توقع ہے۔ کراچی میں گزشتہ روز بھی بارش ہوئی تھی اور شہر قائد میں عید کے دن بھی بادل برسنے کا امکان ہے۔