یکم اپریل کو عام تعطیل کا اعلان؛ نوٹیفکیشن جاری

ڈپٹی کمشنر ساہیوال نے شہر میں یکم اپریل کو مقامی تعطیل کا اعلان کردیا ہے۔

ڈپٹی کمشنر ساہیوال کیپٹن (ر) سمیع اللہ فاروق نے اعلان کیا ہے کہ حضرت بابا محمد پناہؒ کے عرس کے موقع پر یکم اپریل کو شہر میں مقامی تعطیل ہوگی۔ ضلعی انتظامیہ نے اس حوالے سے باضابطہ نوٹیفکیشن بھی جاری کر دیا ہے۔

نوٹیفکیشن کے مطابق عرس مبارک کی مناسبت سے بدھ کے روز تمام سرکاری دفاتر، تعلیمی ادارے اور دیگر سرکاری خدمات میں تعطیل رہے گی تاکہ شہری اس مذہبی تقریب میں شریک ہو سکیں۔