چیمپئنز ٹرافی میں کونسے 5 بلے باز شاندار کارکردگی کا مظاہرہ کرسکتے ہیں؟

چیمپئنز ٹرافی کا انتظار جہاں شائقین کرکٹ کر رہے ہیں وہیں آئی سی سی بھی زبردست مقابلوں اور مختلف ٹیموں کے بیٹرز سے جارہانہ بلے بازی کی امیدیں وابستہ کرلی ہیں۔

انٹر نیشنل کرکٹ کونسل (آئی سی سی) نے چیمپئنز ٹرافی میں خاص کر صرف پانچ بیٹرز سے شاندار کارکردگی کا مظاہرہ کرنے کی امید ظاہر کی ہے۔

فخر زمان (پاکستان)

سعید انور کے بعد پاکستان کے محدود اوورز کے بہترین اوپنر سمجھے جانے والے فخر زمان اپنی ذہانت اور جاہانہ بیٹنگ کے ذریعے چند لمحوں میں کھیل کا رنگ بدل دیتے ہیں۔

فخر زمان نے اپنے دھماکہ خیز اسٹروک پلے سے 2018 میں زمبابوے کے خلاف 210* رنز کی شاندار اننگز کھیل کر پاکستان کی جانب سے ون ڈے میں اب تک کا سب سے بڑا اسکور بنانے کا اعزاز حاصل کیا ہے۔

فخر زمان نے اپنے چوتھے ون ڈے میں بہترین اننگز کھیلی اور 2017 چیمپئنز ٹرافی کے فائنل میں بھارت کے خلاف 114 رنز کی شاندار اننگز کھیل کر پاکستان کو پہلی بار ٹورنامنٹ میں فتح دلائی۔

قومی بیٹر گزشتہ جون سے انجری اور بیماری کی وجہ سے کرکٹ سے دور تھے لیکن حال ہی میں انہوں نے سہ ملکی سیریز میں واپسی کی اور اب وہ پاکستان کو ایک اور چیمپئنز ٹرافی کی کامیابی کی جانب لے جانے کی کوشش کریں گے۔

ڈیرل مچل (نیوزی لینڈ)

اس چیمپئنز ٹرافی میں ڈیرل مچل سے بہت زیادہ توقعات کی جائیں گی کیونکہ نیوزی لینڈ 2000 کے بعد اپنی پہلی چیمپئنز ٹرافی جیتنے کے لئے تیار ہے۔

اپنے ڈیبیو کے بعد سے بیٹنگ آل راؤنڈر نے آئی سی سی مینز کرکٹ ورلڈ کپ 2023 میں 69 کی اوسط سے 552 رنز اور پاکستان کی کنڈیشنز میں اب تک 51.70 کی اوسط سے 517 رنز اسکور کیے۔

ہینرچ کلاسن (جنوبی افریقہ)

کلاسن کو مکمل بہاؤ میں دیکھنا کسی بھی مخالف کے لئے حوصلہ شکن ہوسکتا ہے۔ مڈل آرڈر کے دیگر بلے بازوں کے برعکس ہینرچ کلاسن کریس پر آتے ہی دھواں دھار بلے بازی شروع کردیتے ہیں۔

اور جیسا کہ ایک روزہ میچوں کی تاریخ میں تیسرے بہترین اسٹرائیک ریٹ (کم از کم 500 گیندوں کا سامنا) کے ساتھ صحت مند اوسط سے ظاہر ہوتا ہے، یہ طریقہ پروٹیز کے لئے تباہ کن طور پر کامیاب رہا ہے۔

شریاس ائیر (بھارت)

بھارتی ٹیم میں شریاس ائیر کے بڑھتے ہوئے انحصار کی نشاندہی ہیڈ کوچ گوتم گمبھیر کے حالیہ بیان سے ہوتی ہے جس میں انہوں نے انگلینڈ کے خلاف سیریز میں 3-0 سے وائٹ واش کے بعد انہیں بھارت کے لئے ‘ہمیشہ اہم’ قرار دیا۔

شریاس ائیر نے درمیانی اوورز میں 123.12 کے اسٹرائیک ریٹ سے 181 رنز کا اضافہ کیا۔ وہ حالیہ برسوں میں مڈل آرڈر میں مستقل طور پر پختہ ہو رہے ہیں جو بھارتی ون ڈے سیٹ اپ کے لئے ایک نعمت ہے جب کہ ان کی ٹیم میں موجودگی سے ٹاپ آرڈر پر سے دباؤ کم ہوا ہے۔

بین ڈکٹ (انگلینڈ)

صحت مند بیٹنگ اوسط اور بہتر اسٹرائیک ریٹ کے ساتھ بین ڈکٹ انگلینڈ کے اوپنر ہیں، جن کی ذمہ داری ہے کہ وہ اپنی ٹیم کو اڑان بھرنے کا آغاز دیں۔

وہ ساتھی اوپنر فل سالٹ کے ساتھ بائیں اور دائیں بازو کا خطرناک امتزاج تشکیل دیتے ہیں اور وہ پاکستان اور متحدہ عرب امارات میں اہم کردار ادا کریں گے۔

ہیری بروک، جو روٹ اور جوز بٹلر جیسے بلے بازوں کی موجودگی میں ڈکٹ کو مفت لائسنس دینے کا لالچ ہو سکتا ہے۔

لیکن بھارت میں ان کی تین اننگز کے باوجود جس میں انہوں نے 122.42 کے اسٹرائیک ریٹ سے 131 رنز اسکور کیے تاہم بعد کے بلے باز اس رفتار کو برقرار رکھنے میں کامیاب نہیں ہوسکے۔

لہٰذا انگلینڈ کے لیے یہ مناسب ہو سکتا ہے کہ وہ زیادہ سے زیادہ اثر انداز ہونے کے لیے درمیانی اوورز میں طویل اننگز کھیلتے ہوئے نظر آئیں۔