چیمپئنز ٹرافی؛ بھارت کا بنگلادیش کو شکست دیکر فارتحانہ آغاز

آئی سی سی چیمپئنز ٹرافی کے دوسرے میچ میں بھارت نے بنگلادیش کو 6 وکٹوں سے شکست دیدی۔

دبئی میں کھیلے گئے ایونٹ کے میچ میں بھارت نے 229 رنز کا مطلوبہ ہدف 47 ویں اوور میں 4 وکٹوں پر حاصل کیا۔

بھارت کی جانب سے شبمن گل 101 رنز ناٹ آؤٹ بنا کر نمایاں رہے جبکہ کے ایل راہول 41 رنز بنا کر ناقابلِ شکست پویلین لوٹے۔

کپتان روہت شرما 41، ویرات کوہلی 22، شریاس ایر 15 اور اکشر پٹیل 8 رنز بنا کر آؤٹ ہوئے۔

بنگلادیش کی جانب سے رشاد حسین نے 2 جبکہ تسکین احمد اور مستفیض الرحمان نے 1، 1 کھلاڑی کو آؤٹ کیا۔

اس سے قبل بنگلادیش کی ٹیم ٹاس جیت کر پہلے بیٹنگ کرتے ہوئے 50 ویں اوور میں 228 رنز پر آؤٹ ہوگئی تھی۔

بنگلا دیش کی جانب سے توحید ہریدوئے 100 رنز بنا کر نمایاں رہے۔ ذاکر علی 68، تنزید حسن 25، رشاد حسین 18، مہدی حسن میراض 5 اور تسکین احمد 3 رنز بنا کر آؤٹ ہوئے جبکہ مشفق الرحمان، کپتان نجم الحسن شانتو، تنظیم حسن ثاقب اور سومیا سرکار بغیر کوئی رن بنائے پویلین لوٹے۔

بھارت کی جانب سے محمد شامی نے 5 کھلاڑیوں کو آؤٹ کیا۔ ہرشت رانا نے 3 اور اکشر پٹیل نے 2 وکٹین حاصل کیں۔