حارث، شاہین اور نسیم کو "خدا حافظ” کہنے کا وقت آگیا

قومی ٹیم کے سابق کپتان محمد حفیظ نے پاکستانی موجودہ فاسٹ بولنگ لائن اَپ کو فارغ کرنے کا مطالبہ کردیا۔

دبئی میں بھارت کے ہاتھوں ذلت آمیز شکست کے بعد مقامی ٹی وی چینل پر تبصرہ کرتے ہوئے سابق کپتان محمد حفیظ نے قومی ٹیم کے کھلاڑیوں کو شدید تنقید کا نشانہ بنایا۔

انہوں نے کہا کہ شاہین شاہ آفریدی، نسیم شاہ اور حارث رؤف کو ٹیم سے باہر نکال دینا چاہیے، تینوں بولرز نے ایشیاکپ 2023 کے بعد سے ناقص کارکردگی کا مظاہرہ کیا ہے۔

مزید پڑھیں: رن آؤٹ امام ہوئے اور تنقید کا نشانہ بنے انضمام مگر کیوں؟

محمد حفیظ نے کہا کہ تینوں فاسٹ بولرز نے اس دوران ون ڈے ورلڈکپ، ٹی20 ورلڈکپ اور اب چیمپئنز ٹرافی جیسے میگا ایونٹس کھیلے لیکن کوئی پرفارمنس نہ دے سکے۔

مزید پڑھیں: بھارت سے شکست کے بعد پاکستان چیمپئنز ٹرافی سے باہر ہوگیا؟ رضوان نے بتادیا

سابق کرکٹر کا کہنا تھا کہ میرے خیال میں اب دوسرے بولرز جیسے محمد علی، خرم شہزاد، محمد وسیم جونیئر، عاکف جاوید اور میر حمزہ کو موقع دیں، نوجوان فاسٹ بولر اپنے مواقعوں کا انتظار کررہے ہیں، وہ بھی مستحق ہیں انکے پاس بھی پاکستانی پاسپورٹ ہے۔

مزید پڑھیں: پاکستان کی چیمپئنز ٹرافی کے سیمی فائنل میں پہنچنے کی تمام امیدیں دم توڑ گئیں

دوسری جانب بابراعظم سے متعلق بات کرتے ہوئے سابق کپتان نے کہا کہ بابر گزشتہ 10 سالوں سے پاکستان کیلئے کھیل رہے ہیں لیکن آج تک ایک میچ میں بھی بھارت کے خلاف قومی ٹیم کو فتح دلانے میں کامیاب نہیں ہوسکے۔