معروف سابق ٹیسٹ کرکٹر منشیات کیس میں قصور وار قرار

آسٹریلوی ٹیسٹ کرکٹر اسٹیورٹ میک گل کو منشیات کیس میں قصور وار قرار دیدیا گیا ہے۔

غیر ملکی میڈیا کے مطابق میک گل کیخلاف فیصلہ نیو ساؤتھ ویلز ڈسٹرکٹ کورٹ نے 8 روزہ ٹرائل کے بعد سنایا جس میں جیوری نے کرکٹر کی جانب سے صرف 2  افراد کو متعارف کرانے کا دعویٰ بھی مسترد کیا۔

اسٹیورٹ میک گل کوکین کی لین دین میں سہولت کاری میں ملوث پائے گئے، انہیں بہنوئی اور اسٹریٹ ڈرگ ڈیلر کے ساتھ سہولت کاری میں بھی قصور وار قرار دیا گیا ہے۔

آسٹریلوی میڈیا کے مطابق منشیات کا کیس 2021 سے چلتا آرہا تھا تاہم اسٹیورٹ میک گل بڑے پیمانے پر ممنوعہ ڈرگ کے کاروبار میں ملوث قرار نہیں دیے گئے۔ تاہم میک گل کو رواں برس کے آخر میں سزا سنائی جاسکتی ہے۔

 کینگرو کھلاڑی نے تسلیم کیا ہے کہ وہ باقاعدگی سے آدھا گرام کوکین 200 ڈالرز میں خریدتے تھے۔