اکمل برادران کے والد کے گھر چوری، لاکھوں روپے مالیت کے سولر پینل لے اُڑے

قومی ٹیم کے اسٹار کرکٹرز کامران اکمل اور عمر اکمل کے والد کے فارم ہاؤس پر ڈکیتی کے دوران چور لاکھوں روپے مالیت کے سولر پینل لیکر فرار ہوگئے۔

جی ٹی وی کی رپورٹ کے مطابق لاہور کے تھانہ ہیر کے علاقے میں عمر اکمل اور کامران اکمل کے والد کے فارم ہاؤس پر چوری کی بڑی واردات ہوئی، چور دن دہاڑے 5 لاکھ مالیت کا سولر اتار کر فرار ہو گئے۔

رپورٹ کے مطابق چور مرکزی دروازے کا کنڈا توڑ کر فارم ہاوس میں داخل ہوئے، چور دن دہاڑے 5 لاکھ مالیت کا سولر اتار کر فرار ہوگئے۔

مزید پڑھیں: ٹیم میں میٹنگز میں کئی کرکٹرز مجھ پر ہنستے تھے۔۔۔ مگر کیوں؟

والد کامران اکمل نے کہا کہ سولر سسٹم کل لگوایا آج چور لے گیے جب کہ پولیس حکام کا کہنا ہے کہ واقعہ کا مقدمہ درج، تفتیش جاری ہے۔

واقعے کی اطلاع ملنے کے بعد ہئیر پولیس فوری جائے وقوعہ پر پہنچی، حکام کا کہنا تھا کہ ملزمان کو سی سی ٹی وی کیمروں اور دیگر زرائع کی مدد سے ٹریس کیا جا رہا ہے۔

مزید پڑھیں: کیا کوہلی نے ڈرائیور کو 50 لاکھ کی انعامی رقم سے نوازا ہے؟

یس پی کینٹ اویس شفیق نے کہا کہ فارم ہاؤس کے کوچ کاشف محمود کی مدعیت میں نا معلوم چور کے خلاف فوری مقدمہ درج کرلیا گیا۔

انہوں نے ایس ڈی پی او برکی غلام دستگیر خان کو فوری ملزمان ٹریس کر کے گرفتار کرنے کی ہدایت کرتے ہوئے کہا کہ ملزمان کو جلد گرفتار کر لیا جائیگا۔