نیوزی لینڈ سے شکست، ہیڈ کوچ عاقب جاوید نے خاموشی توڑ دی

نیوزی لینڈ کے خلاف ٹی سیریز میں مایوس کن شکست کے بعد قومی کرکٹ ٹیم کے ہیڈ کوچ عاقب جاوید کا بیان سامنے آگیا۔

آکلینڈ میں میڈیا سے گفتگو کرتے ہوئے جاوید نے کہا کہ ٹیم نیوزی لینڈ کے خلاف تیسرے میچ جیتنے کی مکمل صلاحیت رکھتی ہے جس کے لیے کچھ تبدیلیاں ہوں گی۔

انہوں نے کہا کہ ٹیم کے پہلے دو میچ ہارنے سے لوگ مایوس ہیں تاہم آغاز کا مطلب یہ نہیں ہے کہ ٹیم نہیں جیتے گی۔

عاقب جاوید کا کہنا تھا کہ نیوزی لینڈ کی کنڈیشن میں کھیلنا آسان نہیں اس لیے ملک سے باہر نہ کھیلنے والے کرکٹرز کو یہاں مسئلہ ہوگا۔

ہیڈ کوچ نے اس بات کی بھی نشاندہی کی کہ نیوزی لینڈ میں چھوٹی باؤنڈریاں ہوتی ہیں، بلے بازوں کو اچھے اسکور حاصل کرنے کے لئے اوپر سے کھیلنا چاہئے۔

یہ بھی پڑھیں: آئی سی سی ٹی 20 پلیئرز رینکنگ جاری، پاکستانی کرکٹرز کی تنزلی

واضح رہے کہ دوسرے ٹی ٹوئنٹی میں نیوزی لینڈ نے شاندار بیٹنگ کی بدولت پاکستان کو 5 وکٹوں سے شکست دے کر ٹی ٹوئنٹی سیریز میں 2-0 کی برتری حاصل کرلی تھی۔

ٹی 20 ٹیم پر تبصرہ کرتے ہوئے ہیڈ کوچ نے کہا کہ سرفراز کی کپتانی کا موضوع چار سال پرانا ہے اور جو ٹیم ٹی 20 میں کھیلنے کے لئے اچھی تھی وہ بھی دو سال پرانا موضوع ہے۔

عاقب جاوید نے کہا کہ کرکٹ بدل گئی، ٹی 20 کی ٹیمیں الگ الگ بنائی جاتی ہیں، صائم ایوب اور فخر زمان کی شمولیت سے اچھی ٹیم بنے گی، البتہ ہم ایشیا کپ و ورلڈ کے لیے تیاری کر رہے ہیں۔