عمر اکمل نے اب کنِ دو سابق کرکٹرز کو تنقید کا نشانہ بنایا؟

قومی ٹیم کے جارح مزاج کرکٹر عمر اکمل نے سابق ہیڈکوچ اور کپتان پر تنقید کے نشتر چلادیے۔

نجی ٹی وی چینل پر گفتگو کرتے ہوئے قومی کرکٹر عمر اکمل نے نے بتایا کہ سابق کپتان یونس خان نے انہیں ٹیسٹ کرکٹ میں تیز پر تنقید کا نشانہ بنایا تھا۔

انہوں نے کہا کہ جب بھی وہ اٹیکنگ شاٹس کھیلتے تھے تو یونس ان پر تنقید کرتے تھے اور کہتے تھے کہ کیا تم نے ٹیسٹ میں ٹی20 کرکٹ کھیلنا چاہتے ہو؟ اب دیکھیں ٹیسٹ میچ محض 3، 4 روز میں ختم ہورہے ہیں۔

عمر اکمل نے دعویٰ کیا کہ ہیڈکوچ وقار یونس کو میرے بھائی کامران اور عدنان نے بھی مسائل تھے، انہوں نے سوال اٹھایا تھا کہ تینوں ایک ساتھ قومی ٹیم کا حصہ کیوں ہیں؟۔

مزید پڑھیں: نیوزی لینڈ سے شکست، ہیڈ کوچ عاقب جاوید نے خاموشی توڑی دی

جارح مزاج کرکٹر نے کہا کہ ہیڈکوچ وقار یونس کو اپنے کانوں سے کہتے ہوئے سنا کہ ‘کیا ساری کرکٹ یہ بھائی کھیلیں گے؟’ یہ کس قسم کا بیان ہے؟۔

مزید پڑھیں: دھناشری ورما- چہل کی راہیں جدا؛ طلاق ہوگئی

انہوں نے وقار یونس پر الزام لگایا کہ وقار یونس اپنی کارکردگی کے بجائے غیر کرکٹ سرگرمیوں پر زیادہ فوکس رکھتے تھے جیسا کہ ‘تم نے یہ چشمے کیوں پہن رکھے ہیں؟’۔

واضح رہے کہ عمر اکمل نے آخری بار اکتوبر 2019 میں سری لنکا کے خلاف لاہور میں پاکستان کیلئے کھیلا تھا۔