پاکستان نے ٹی20 تاریخ کا سب سے بڑا پاور پلے اسکور بنادیا

نیوزی لینڈ کیخلاف سیریز کے تیسرے ٹی20 میچ میں پاکستان نے پاور پلے میں سب سے زیادہ رنز بنانے کا نیا ریکارڈ بنالیا۔

آکلینڈ میں کھیلے گئے پاکستان اور نیوزی لینڈ کے درمیان سیریز کے تیسرے ٹی20 میچ میں حسن نواز اور محمد حارث کی جارحانہ بیٹنگ کی بدولت گرین شرٹس نے 6 اوورز کے پاور پلے میں ایک وکٹ کے نقصان پر 75 رنز بناکر نیا ریکارڈ قائم کردیا۔

حارث رؤف نے پاور پلے میں 20 گیندوں پر 4 چوکوں اور 3 چھکوں کی مدد سے 41 رنز کی اننگز کھیلی۔

مزید پڑھیں: حسن نواز نے تیز ترین ٹی20 سنچری کا نیا ریکارڈ قائم کردیا

دوسری جانب نوجوان حسن نواز کی جارحانہ بیٹنگ کی بدولت پاکستان نے کیویز کو 9 وکٹوں سے شکست دی، انہوں نے 45 گیندوں پر 7 چھکوں اور 10 چوکوں کی مدد سے 105 رنز کی اننگز کھیلی۔