رضوان نے نسیم شاہ کا فون توڑ ڈالا

کیویز کیخلاف وائٹ بال سیریز کے کیمپ کے دوران محمد رضوان نے نسیم شاہ موبائل فون توڑ ڈالا۔

سوشل میڈیا پلیٹ فارمز پر ویڈیو وائرل ہورہی ہے جس میں دیکھا جاسکتا ہے کہ کیویز کیخلاف وائٹ بال سیریز کے پریکٹس سیشن کے دوران محمد رضوان نے ایک شارٹ کھیلا جو براہ راست اس جگہ جا لگا جہاں کھلاڑی اور ان کے معاونین اپنی کِٹ اور دیگر سامان کیساتھ موجود تھے۔

مزید پڑھیں: "کس پاکستانی کھلاڑی نے بیٹ لیکر اسٹور مالک کو پیسے نہیں دیے”

محمد رضوان کا شارٹ فاسٹ بولر نسیم شاہ کے بیگ پر لگا، جس کے باعث انکا موبائل فون ٹوٹ گیا، بولر نے فوری طور پر اپنے موبائل کی طرف دیکھا اور کپتان کے شارٹ پر ناراضگی کا اظہار کیا۔

مزید پڑھیں: حسن نواز نے تیز ترین ٹی20 سنچری کا نیا ریکارڈ قائم کردیا

ویڈیو میں واضح انداز میں دیکھا جاسکتا ہےکہ نسیم شاہ نے اشارہ کرکے کپتان کو اپنے موبائل فون ٹوٹنے کا بتایا۔