پاکستان کیخلاف ون ڈے سیریز سے قبل نیوزی لینڈ کو بڑا دھچکا لگ گیا

پاکستان کیخلاف ون ڈے سیریز سے قبل نیوزی لینڈ کو بڑا دھچکا لگ گیا۔

نیوزی لینڈ کرکٹ ٹیم کو پاکستان کے خلاف ہونے والی ون ڈے سیریز سے قبل ایک سنگین نقصان کا سامنا کرنا پڑا ہے، جہاں کیوی کپتان ٹام لیتھم انجری کے باعث سیریز سے باہر ہوگئے ہیں۔

نیوزی لینڈ کرکٹ (NZC) کے مطابق نیٹ پریکٹس کے دوران ٹام لیتھم کے دائیں ہاتھ میں گیند لگنے سے فریکچر ہوگیا، جس کے بعد انہیں میچوں سے دستبردار ہونا پڑا۔ لیتھم کی غیرموجودگی میں مائیکل بریسویل ٹیم کی قیادت کریں گے، جبکہ ہنری نکلز کو ان کے متبادل کے طور پر ون ڈے اسکواڈ میں شامل کیا گیا ہے۔

یاد رہے کہ پاکستان اور نیوزی لینڈ کے درمیان پہلا ون ڈے میچ 29 مارچ کو نیپئیر میں کھیلا جائے گا۔ لیتھم کی انجری نیوزی لینڈ کے لیے ایک بڑا دھچکا ہے، کیونکہ وہ نہ صرف ٹیم کے اہم بلے باز ہیں بلکہ تجربہ کار قائد بھی ہیں۔