آئی سی سی نے پاکستانی ٹیم پر ایک بار پھر جرمانہ عائد کردیا

نیوزی لینڈ کے خلاف دوسرے ون ڈے میچ میں سلو اوور ریٹ پر قومی کرکٹ ٹیم پر جرمانہ عائد کردیا گیا۔

انٹرنیشنل کرکٹ کونسل (آئی سی سی) کی جانب سے گرین شرٹس پر میچ فیس کا پانچ فیصد جرمانہ عائد کیا گیا ہے۔

محمد رضوان کی قیادت والی ٹیم ہدف سے ایک اوور پیچھے رہی جس کی وجہ سے قومی ٹیم کو جرمانے کا سامنا کرنا پڑا۔

ہیملٹن میں کھیلے گئے میچ میں میزبان نیوزی لینڈ نے پاکستان کو 84 رنز سے شکست دے کر تین ون ڈے میچوں پر مشتمل سیریز میں فیصلہ کن برتری حاصل کرلی تھی۔

کیویز نے پہلے بیٹنگ کرکے مقررہ اوورز میں 8 وکٹوں کے نقصان پر 292 رنز بنائے تاہم جواب میں پاکستان ٹیم 208 رنز پر ڈھیر ہوئی۔

یہ بھی پڑھیں: آئی سی سی نے پاکستان کرکٹ ٹیم پر جرمانہ لگا دیا

واضح رہے کہ ون ڈے سیریز کے افتتاحی میچ میں بھی پاکستان کو جرمانے کا سامنا کرنا پڑا تھا۔

پاکستان اور نیوزی لینڈ کے درمیان سیریزن کا تیسرا اور آخری ون ڈے میچ 5 اپریل ہفتہ کو بے اول میں کھیلا جائے گا۔