شاہد آفریدی کا چیئرمین محسن نقوی کو اہم مشورہ

راولپنڈی: سابق کپتان شاہد خان آفریدی نے چیئرمین پاکستان کرکٹ بورڈ محسن نقوی کو ایک عہدہ چھوڑنے کا مشورہ دیدیا۔

تفصیلات کے مطابق شاہد آفریدی نے آرمی چیف جنرل عاصم منیر سے پنڈی میں ملاقات کرتے ہوئے انکی والدہ کے انتقال پر تعزیت کی۔

شاہد آفریدی نے اس دوران کہا کہ اگر چیئرمین پی سی بی محسن نقوی وزارت داخلہ اور پی سی بی چیئرمین شپ میں سے ایک کام کا انتخاب کریں تو اس سے پاکستان کو فائدہ ہو گا۔

مزید پڑھیں:چیمیئنز ٹرافی: محسن نقوی کی آئی سی سی اجلاس سے قبل اہم ملاقاتیں

مزید پڑھیں:سابق کرکٹر شاہد آفریدی ارشد ندیم کے شاگرد بن گئے، ویڈیو وائرل

سابق کرکٹر کے مطابق میری رائے میں ایک وقت میں 2 کاموں سے وہ مکمل فوکس نہیں کررہے ہیں۔ انہوں نے مشورہ دیا کہ پی سی بی 24/7 والی جاب ہے اس لیے آپ وزارت داخلہ اور پی سی بی میں سے کسی ایک کام کا انتخاب کریں۔

انکا کہنا تھا کہ آپ ایک کام کریں گے تو اس سے پاکستان کو زیادہ فائدہ ہوگا، محسن نقوی ایک محنتی شخص ہیں جو کرکٹ کیلئے کچھ کرنا چاہتے ہیں لیکن وہ 2 کشتیوں میں سوار ہوکر ایسا نہیں کرسکتے۔

انہوں نے مشورہ دیا کہ وہ ایک کام پر فوکس کرکے بہتر انداز میں معاملات آگے بڑھا سکتے ہیں ان میں کرکٹ کی بہتری کیلئے بہت زیادہ جوش اور ہمت ہے۔

ذرائع کے مطابق لاہور میں پی سی بی ہیڈ کوارٹر میں ایک میٹنگ میں شاہد آفریدی نے محسن نقوی کے کاموں کی تعریف کی تھی لیکن انہیں یہ بھی کہا تھا کہ وہ اگر وزارت یا پی سی بی میں سے ایک کام کا انتخاب کریں تو اس سے وہ زیادہ بہتر انداز میں توجہ دے سکتے ہیں۔

شاہد آفریدی نے جنرل عاصم منیر سے بھی کہا کہ ملک میں تفریح کا واحد ذریعہ کرکٹ ہے، محسن نقوی خلوص سے کچھ کرنا چاہتے ہیں لیکن 2 عہدوں کے ساتھ وہ کامیاب نہیں ہوسکتے۔