پی ایس ایل شائقین کیلئے بڑی خوشخبری؛ انعامات کی بارش کرنے کا فیصلہ

پی ایس ایل 10 کے شائقین پر انعامات کی بارش کرنے کا فیصلہ کر لیا گیا ہے۔

ذرائع کے مطابق پاکستان سپر لیگ سیزن 10 کی مینجمنٹ نے اس سیزن کو یادگار بنانے اور شائقین کرکٹ کو اسٹیڈیم کی طرف لانے کیلئے نئی حکمت عملی بنالی ہے۔

ذرائع کا کہنا ہے کہ پاکستان سپر لیگ سیزن 10 کے ہر میچ میں لاکھوں کے انعامات شائقین کیلئے مختص کردئیے گئے، ہر میچ کے پہلے ہاف میں ٹکٹ ہولڈر شائقین کیلئے قرعہ اندازی  کی جائے گی۔

قرعہ اندازی کے ذریعے ٹکٹ ہولڈر شائقین کرکٹ اب موٹر سائیکل، اسمارٹ فونز اور متعدد گفٹس جیت سکیں گے۔

یاد رہے کہ گزشتہ سیزنز میں شائقین کیلئے کیچ پکڑنے پر لاکھوں روپے کا کیش انعام رکھا جاتا رہا ہے۔