پی ایس ایل 10؛ کولن منرو نے افتتاحی میچ میں نیا ریکارڈ بنا ڈالا

پاکستان سپر لیگ ایڈیشن 10 میں کولن منرو نے افتتاحی میچ میں نیا ریکارڈ بنا ڈالا۔

پاکستان سپر لیگ ایڈیشن 10 کے پہلے میچ میں اسلام آباد یونائیٹڈ کے بیٹر کولن منرو نے 42 گیندوں پر 59 رنز بنائے اور ناٹ آؤٹ رہے، یہ میچ اسلام آباد یونائیٹڈ نے آٹھ وکٹوں سے جیتا۔

نصف سنچری بنانے کے بعد انہوں نے کوئٹہ گلیڈی ایٹرز کے سابق کپتان رائلی روسو کا ریکارڈ توڑ دیا، رائلی روسو نے 12 نصف سنچریاں بنا رکھی ہیں۔

کولن منرو پی ایس ایل کی تاریخ میں 13 نصف سنچریوں کے ساتھ سب سے زیادہ نصف سنچریاں بنانے والے غیر ملکی کھلاڑی بن گئے ہیں۔