43 سالہ وکٹ کیپر بیٹر مہندر دھونی نے نئی تاریخ رقم کر دی

انڈین پریمیئر لیگ ( آئی پی ایل) کی ٹیم چنئی سپر کنگز کے 43 سالہ وکٹ کیپر بیٹر مہندر سنگھ دھونی نے نئی تاریخ رقم کر دی۔

بھارتی میڈیا کے مطابق پیر کو آئی پی ایل میچ میں چنئی سپر کنگز نے لکھنؤ سپر جائنٹس کو 5 وکٹ سے شکست دے کر ایونٹ میں دوسری کامیابی حاصل کرلی۔

 لکھنؤ میں کھیلے گئے میچ میں چنئی نے ٹاس جیت کر بولنگ کا فیصلہ کیا جس پر لکھنؤ سپر جائنٹس نے مقررہ 20 اوورز میں 7 وکٹوں پر 166 رنز اسکور کیے۔

مزید پڑھیں:بابراعظم نے دھونی کا کونسا ریکارڈ اپنے نام کیا؟

مزید پڑھیں:کیا دھونی ٹی توئنٹی ورلڈ کپ کیلئے بھارتی ٹیم میں واپس آرہے ہیں؟

دھونی نے 11 گیندوں پر 26 رنز کی ناقابل شکست اننگز کھیلی جس میں 4 چوکے اور ایک چھکا شامل تھا۔اس کے علاوہ شیوم دوبے 37 گیندوں پر 43 رنز بناکر ناٹ آؤٹ رہے۔

جواب میں چنئی نے آخری اوورز میں دھونی کی برق رفتار اننگز کی بدولت ہدف آخری اوور میں 5 وکٹوں کے نقصان پر حاصل کر لیا۔ بھارتی میڈیا کے مطابق 43 سالہ دھونی آئی پی ایل کی تاریخ میں مین آف دی میچ کا ایوارڈ جیتنے والے سب سے عمر رسیدہ کھلاڑی بن گئے۔

شاندار بیٹنگ اور میچ میں 2 اسٹمپ اور ایک رن آؤٹ کرنے پر چنئی کے مہندر سنگھ دھونی کو پلیئر آف دی میچ کا ایوار ڈ دیا گیا، جس کے ساتھ ہی انہوں نے آئی پی ایل میں نئی تاریخ رقم کر دی۔