سابق کپتان پی سی بی سے ناراض؛ کرکٹ سے بریک لے لی

قومی ویمن ٹیم کی سابق کپتان ندا ڈار نے کرکٹ سے بریک لے لی ہے۔

پاکستان کرکٹ بورڈ (پی سی بی) کے ساتھ اختلافات کے باعث قومی ویمن کرکٹ ٹیم کی سابق کپتان ندا ڈار کرکٹ سے بریک لے کر ڈومیسٹک ٹی ٹوئنٹی کھیلنے سے انکار کرچکی ہیں۔

ندا ڈار نے اپنے سوشل میڈیا اکاؤنٹ پر ایک پیغام جاری کرتے ہوئے کہا کہ حالیہ عرصے میں ان کی پروفیشنل زندگی اور ذہنی صحت پر منفی اثرات مرتب ہوئے ہیں، جس کے باعث وہ کرکٹ سے وقفہ لے رہی ہیں تاکہ اپنی ذاتی زندگی پر توجہ دے سکیں۔ ندا ڈار نے درخواست کی کہ ان کی نجی زندگی کا احترام کیا جائے۔

سابق کپتان نے مزید کہا کہ گزشتہ کچھ عرصے میں ان کی پروفیشنل زندگی اور ذہنی صحت پر کافی اثرات پڑے ہیں اور وہ اس وقت پی سی بی کے ویمن ڈیپارٹمنٹ کے رویے سے بھی ناخوش ہیں۔