پاکستانی باکسر شہیر آفریدی نے بھارتی حریف کو شکست دے دی

تھائی لینڈ میں ہونے والے پاک بھارت باکسنگ مقابلے میں پاکستانی باکسر نے بھارتی حریف کو چاروں شانے چِت کردیا۔

تھائی لینڈ میں ہونے والی رینکنگ فائٹ میں پاکستانی باکسر شہیر آفریدی نے روایتی حریف بھارتی باکسر ترجوت سنگھ باوا کے داؤ پیچ ایک نہ چلنے دیے۔

شہیر آفریدی نے شاندار کھیل کا مظاہرہ کرتے ہوئے چوتھے راؤنڈ میں بھارتی حریف کو شکست دےدی۔

تیسرے راؤنڈ میں ہی بھارتی باکسر ترجوت سنگھ باوا کو چکر آںے لگ گئے چوتھے راؤنڈ میں آںے کے بعد کچھ ہی دیر میں بے ہوش ہونے کے قریب آگئے اسی دوران میچ ریفری نے انھیں مزید کھیلنے سے روکنے کا کہ کر شہیر آفریدی کو فاتح قرار دے دیا۔