کھیلوں سے وابستہ پاکستان کی انتہائی اہم شخصیت انتقال کرگئی

صدر پاکستان سافٹ بال  فیڈریشن آصف عظیم کراچی میں انتقال کرگئے۔

پاکستان سافٹ بال فیڈریشن کے صدر آصف عظیم انتقال کر گئے۔ مرحوم دل کے عارضے میں مبتلا تھے اور کراچی کے جناح اسپتال میں زیر علاج تھے، جہاں وہ جانبر نہ ہو سکے۔

آصف عظیم کھیلوں کے میدان میں ایک فعال اور متحرک شخصیت کے طور پر جانے جاتے تھے۔ وہ نہ صرف سافٹ بال فیڈریشن کے صدر کے طور پر خدمات انجام دے رہے تھے بلکہ بلائنڈ کرکٹ، پاکستان اولمپکس اور اسپیشل اولمپکس سمیت متعدد کھیلوں کی فیڈریشنز سے بھی وابستہ رہے۔