ارشد ندیم نے ایشین ایتھلیٹکس چیمپئن شپ میں بڑی کامیابی حاصل کر لی

ارشد ندیم نے ایشین ایتھلیٹکس چیمپئن شپ کے فائنل کیلئے کوالیفائی کرلیا۔

پاکستان کے اولمپک گولڈ میڈلسٹ جیولن تھرور ارشد ندیم اور یاسر سلطان نے جنوبی کوریا میں جاری ایشین ایتھلیٹکس چیمپئن شپ کے فائنل کے لیے کوالیفائی کر لیا ہے۔

کوالیفائنگ راؤنڈ میں ارشد ندیم نے گروپ اے میں اپنی پہلی کوشش میں 86.34 میٹر کی تھرو کی، جو نہ صرف ان کی بہترین تھرو تھی بلکہ اس کے ذریعے انہوں نے فائنل کے لیے کوالیفائی بھی کیا۔

بھارتی کھلاڑی یش نے بھی پہلی کوشش میں 76.67 میٹر کی تھرو کی، لیکن وہ فائنل میں جگہ بنانے میں کامیاب نہ ہو سکے۔

یاسر سلطان نے بھی اپنی پہلی کوشش میں 76.07 میٹر کی تھرو کر کے فائنل کے لیے کوالیفائی کیا۔

اس کامیابی کے ساتھ ہی دونوں پاکستانی کھلاڑیوں نے ایشین ایتھلیٹکس چیمپئن شپ کے فائنل میں جگہ بنالی ہے، جو کل کھیلا جائے گا۔