پاکستان انڈر 16 فٹبال چیمپئن شپ کا ٹائٹل وزیرستان واریئرز نے اپنے نام کر لیا

پاکستان انڈر 16فٹبال چیمپئن شپ کا ٹائٹل وزیرستان واریئرز نے اپنے نام کر لیا ہے۔

تفصیلات کے مطابق پاک فوج کے زیرِ اہتمام فٹبال ٹیلنٹ ڈیولپمنٹ پروگرام کے تحت نیشنل فٹ بال چیمپئن شپ کا انعقاد کیا گیا۔

وزیرستان واریئرز نے فائنل میں کراچی لائٹس کو 0 – 4 سے شکست دے دی۔

پاکستان انڈر 16فٹبال چیمپئن شپ میں ملک بھر سے 8 ٹیموں نے حصہ لیا۔

پاکستان انڈر 16 فٹبال چیمپئن شپ 22 سے 27 اگست تک اسلام آباد میں کھیلی گئی، لیفٹیننٹ جنرل شاہد امتیاز ایونٹ کی اختتامی تقریب کے مہمان خصوصی تھے۔

مہمان خصوصی لیفٹیننٹ جنرل شاہد امتیاز نے فاتح ٹیم اور رنر اپ میں انعامات تقسیم کیے۔