برطانیہ میں زیادتی کیس سے ڈسچارج کرکٹر حیدر علی پاکستان روانہ

برطانیہ میں لڑکی سے مبینہ زیادتی کے الزام میں گرفتار قومی کرکٹر حیدرعلی کیس خارج ہونے کے بعد لندن سے پاکستان کےلیے روانہ ہوگئے۔

اس موقع پر قومی کرکٹر کو ان کےدوستوں نے ائرپورٹ پر نیک تمناؤں کےساتھ رخصت کیا۔

مانچسٹر پولیس نے 4 اگست کو حیدر علی کے خلاف مبینہ جنسی زیادتی کی شکایت موصول ہونے کے بعد تحقیقات شروع کی تھیں، جس کا واقعہ 23 جولائی کو مبینہ طور پر مانچسٹر میں پیش آیا تھا۔

برطانوی پولیس نے کو قومی کرکٹر کو گرفتارکرنے کے دو دن بعد رہا کردیا تھا۔بعد ازاں تفتیش میں ان پر لگے الزامات ثابت نہ ہوسکےجس کی بناپر کیس بند کردیا تھا۔ پاسپورٹ ملنے کے بعد حیدرعلی کی وطن واپسی ممکن ہوئی ہے۔