جنوبی افریقہ کے دورہ پاکستان کی تاریخوں اور وینیوز کا اعلان

پی سی بی نے جنوبی افریقا کے دورہ پاکستان کی تاریخوں اور مقامات کا اعلان کردیا۔

پاکستان 12 اکتوبر سے آئی سی سی ورلڈ ٹیسٹ چیمپین شپ میں شامل دو میچز کی سیریز میں جنوبی افریقا کی میزبانی کرے گا۔

پی سی بی کے مطابق ٹیسٹ میچز بالترتیب لاہور اور راولپنڈی میں کھیلے جائیں گے۔ پہلا ٹیسٹ 12 تا 16 اکتوبر اور دوسرا ٹیسٹ 20 تا 24 اکتوبر کو کھیلا جائے گا۔

Pakistan to host South Africa for 2️⃣ Tests, 3️⃣ T20Is and 3️⃣ ODIs 🚨

🗓️ 12 October – 8 November
🏟️ Lahore, Rawalpindi and Faisalabad

More details ➡️ https://t.co/h6FL6oyMmz#PAKvSA pic.twitter.com/eQUO7OdjM7

— Pakistan Cricket (@TheRealPCB) September 6, 2025

تین ٹی ٹوینٹی انٹرنیشنل میچز پر مشتمل سیریز کا پہلا میچ 28 اکتوبر کو راول پنڈی جبکہ باقی دو میچز 31 اکتوبر اور یکم نومبر کو لاہور میں کھیلے جائیں گے۔

بعد ازاں تین ون ڈے میچز پر مشتمل سیریز فیصل آباد میں کھیلی جائے گی۔ میچز چار، چھ اور آٹھ نومبر کو کھیلے جائیں گے۔

فیصل آباد 17 برس بعد ون ڈے انٹرنیشنل میچ کی میزبانی کرے گا۔ کراچی میں کوئی بھی میچ شیڈول نہیں ہوسکا۔