پی سی بی کا سہ فریقی ٹی 20 سیریز کرانے کا اعلان

پاکستان کرکٹ بورڈ نے سہ فریقی ٹی ٹوینٹی سیریز کرانے کا اعلان کردیا۔

تفصیلات کے مطابق پاکستان پہلی بار سہ فریقی ٹی ٹوینٹی سیریز کی میزبانی کرے گا جو 17 تا 29 نومبر راول پنڈی اور لاہور میں کھیلی جائے گی۔

سہ فریقی سیریز میں پاکستان، افغانستان اور سری لنکا کی ٹیمیں مدمقابل آئیں گی۔

سیریز کا پہلا میچ 17 نومبر کو پاکستان اور افغانستان کے درمیان راولپنڈی میں کھیلا جائے گا۔ 19 نومبر کو سری لنکا اور افغانستان کا میچ بھی راولپنڈی میں شیڈول ہے۔

یہ افغانستان کا پاکستان میں پہلا ٹی ٹوئنٹی انٹرنیشنل میچ ہوگا۔

29 نومبر کو فائنل سمیت سیریز کے باقی تمام میچز لاہور کے قذافی اسٹیڈیم میں کھیلے جائیں گے۔

پی سی بی کے چیف آپریٹنگ افسر سمیر احمد کا کہنا ہے کہ یہ سہ فریقی سیریز ٹی ٹوینٹی ورلڈ کپ کی تیاری کا بہترین موقع ہوگی۔