ورلڈ ایتھلیٹکس چیمپین شپ؛ جیولین تھرو کے فاتح کا نام سامنے آگیا

ٹوکیو میں جاری ورلڈ ایتھلیٹکس چیمپین شپ کے جیولین تھرو مقابلے میں ٹرینیڈاڈ اینڈٹوباگو کے ایتھلیٹ نے سونے کا تمغا جیت لیا۔

ٹوکیو میں ورلڈ ایتھلیٹکس جیولین تھرو مقابلے کا فائنل ہوا جس میں ٹرینیڈاڈ اینڈٹوباگو کے کیرشون ویلکوٹ نے فائنل راؤنڈ میں 88.16 میٹر کی تھرو کرکے سب کو حیران کردیا۔

مقابلے میں چاندی کا تمغا اینڈریسن پیٹرز کے نام رہاجبکہ کانسی کا تمغا امریکا کے کرٹس تھامپسن نے جیتا۔

پاکستان کے  ارشد ندیم فائنل میں میڈل کی دوڑ سے باہر ہوگئے۔ فائنل مرحلے میں ارشد ندیم نے اپنی پہلی تھرو 82.73 کی۔ پہلی باری میں ان  کا ساتواں نمبر تھا تاہم  دوسری باری میں ان کا تھرو فاول ہوگیا۔

ارشد ندیم نے تیسری باری میں 82.75 میٹر تھرو کی تاہم ان کی چوتھی تھرو بھی فاول ہوگئی جس کے باعث وہ میڈل کی دوڑ سے باہر ہوگئے۔

اس کے علاوہ دفاعی چیمپین بھارت کےنیرج چوپڑا بھی میڈل کی دوڑ سے باہرہوگئے۔

ورلڈ ایتھلیٹک چیمپئن شپ 2023 میں تینوں پوزیشنز حاصل کرنے والے جیولن تھرور ایونٹ سے باہر ہوئے۔

بھارت کے نیرج چوپڑا،پاکستان کے ارشد ندیم اور جمہوریہ چیک کے جیکب وڈلیچ ٹوکیو میں نمایاں کارکردگی نہ دکھا سکے۔