ایشیا کپ میں بھارت کی عمان کو 21 رنز سے شکست

ایشیا کپ ٹی ٹوینٹی ٹورنامنٹ کے آخری گروپ میچ میں بھارت نے عمان کو 21  رنز سے شکست دے کر ایونٹ میں مسلسل تیسری کامیابی حاصل کرلی۔

بھارت کے 189 رنز کے ہدف کے تعاقب میں عمان کی ٹیم نے مقررہ 20 اوورز میں 4 وکٹوں کے نقصان پر  167 رنز بنائے۔

ابوظبی میں کھیلے گئے میچ میں بھارت نے ٹاس جیت کر پہلے بیٹنگ کرنے کا فیصلہ کیا۔

بھارت نے پہلے بیٹنگ کرتے ہوئے مقررہ 20 اوورز میں 8 وکٹوں کے نقصان پر 188 رنز اسکو رکیے۔

بھارت کی جانب سے سنجو سیمسن 56 اور ابھیشیک شرما 38 رنز بناکر نمایاں رہے۔ اس کے علاوہ اکشر پٹیل نے 26، تلک ورما نے 29 رنز بنائے۔

عمان کی جانب سے شاہ فیصل ، جتن اور عامر کلیم نے 2،2 وکٹیں حاصل کیں۔ 189 رنز کے ہدف کے جواب میں عمان کی ٹیم نے خوب مقابلہ کیا لیکن ہدف حاصل نہ کرسکی۔

عمان کی ٹیم نے مقررہ 20 اوورز میں 4 وکٹوں کے نقصان پر 167 رنز بنائےعامر کلیم 64 اور حماد رضا 51 رنز بناکر نمایاں رہے۔

بھارت کی جانب سے پانڈیا، ارشدیپ سنگھ، ہرشت رانا اور کلدیپ نے ایک ایک وکٹ حاصل کی۔

اس جیت کے ساتھ بھارت نے گروپ مرحلے میں ناقابل شکست رہتے ہوئے مسلسل 3 میچز میں کامیابی حاصل کرتے ہوئے 6 پوائنٹس کے ساتھ گروپ میں پہلی پوزیشن قائم رکھی۔

واضح رہے کہ کل سے ایشیا کپ میں سپر فور مرحلہ شروع ہوگا۔ گروپ اے سے پاکستان اور بھارت جبکہ گروپ بی سے سری لنکا او ربنگلادیش نے کوالیفائی کیا ہے۔