جنوبی افریقہ ویمن ٹیم نے پاکستان کو شکست دے کر سیریز اپنے نام کر لی
WebDesk
20 ستمبر, 2025 08:45
جنوبی افریقہ ویمن ٹیم نے پاکستان کو شکست دے کر سیریز اپنے نام کر لی
پاکستان اور جنوبی افریقہ ویمنز ٹیموں کے درمیان دوسرا ون ڈے میچ دلچسپ مقابلے کے بعد پروٹیز نے ڈک ورتھ لوئس اسٹی میتھڈ کے تحت 25 رنز سے جیت لیا، یوں سیریز میں بھی فیصلہ کن برتری حاصل کر لی۔
لاہور میں کھیلے گئے میچ میں جنوبی افریقہ نے پہلے بیٹنگ کرتے ہوئے 313 رنز کا بڑا مجموعہ بنایا۔ جواب میں پاکستان ویمن ٹیم ہدف کے تعاقب میں جدوجہد کرتی رہی اور پوری ٹیم 287 رنز بنا کر آؤٹ ہوگئی۔
پاکستان کی جانب سے اوپنر سدرہ امین نے شاندار سنچری اسکور کی تاہم وہ ٹیم کو کامیابی نہ دلوا سکیں۔ ناتالیہ پرویز نے 73، عمیمہ سہیل نے 43، عالیہ ریاض نے 18 اور رامین شمیم نے 12 رنز کی اننگز کھیلی۔
جنوبی افریقہ کی باؤلرز نے شاندار کارکردگی دکھائی۔ نادین دی کلرک نے 3 کھلاڑیوں کو پویلین بھیجا جبکہ ماریزین کیپ اور ٹریون نے 2،2 وکٹیں حاصل کیں۔
سیریز کا تیسرا اور آخری ون ڈے 22 ستمبر کو کھیلا جائے گا جس کے بعد فاتح ٹیم کا فیصلہ ہوگا۔
Catch all the کھیل News, Breaking News Event and Trending News Updates on GTV News
Join Our Whatsapp Channel GTV Whatsapp Official Channel to get the Daily News Update & Follow us on Google News.
خاص خبریں
دلچسپ و عجیب
‘یہ دلہن کے والد کی کمائی ہے، میں نہیں لے سکتا’، دلہے نے جہیز کے لاکھوں روپے ٹھکرا دیے
29-نومبر،2025
