ایشیا کپ فائنل سے قبل بھارتی ٹیم کو بڑا جھٹکا لگ گیا

ایشیا کپ 2025 کے پاک بھارت فائنل سے قبل بھارتی کرکٹ ٹیم کو بڑا دھچکا لگنے کا خدشہ پیدا ہو گیا ہے، کیونکہ باؤلنگ کوچ نے پانڈیا اور ابھیشیک شرما کی فٹنس پر تحفظات کا اظہار کیا ہے۔

 سری لنکا کے خلاف میچ میں پہلے اوور کے دوران ہاردک پانڈیا ہیمسٹرنگ انجری کا شکار ہو کر میدان سے باہر چلے گئے تھے اور باقی اننگز میں واپس نہیں آئے۔

 باؤلنگ کوچ نے بتایا ہے کہ پانڈیا اور ابھیشیک شرما کی انجری کا آج رات اور کل صبح تفصیلی معائنہ کیا جائے گا، کیونکہ ابھیشیک شرما نے بھی سری لنکا کی اننگز کا دوسرا نصف حصہ میدان سے باہر گزارا۔