بھارت میں میچ کے دوران بولر ٹیم کی جیت کے بعد پچ پر انتقال کرگیا
WebDesk
13 اکتوبر, 2025 19:29
Bowler dies on pitch after team's win during match in India
بھارتی شہر مراد آباد میں مقامی کرکٹر اپنی ٹیم کو میچ جتوانے کے بعد مبینہ طور پر دل کا دورہ پڑنے سے چل بسا۔
بھارتی میڈیا کے مطابق واقعہ اتوار کو پیش آیا جب اتر پردیش ویٹرنز کرکٹ ایسوسی ایشن کے زیر اہتمام مرادآباد اور سنبھل کی ٹیموں کے درمیان میچ جاری تھا۔
سنبھل کی ٹیم کو میچ جیتنے کیلئے آخری 4 گیندوں پر 14 رنز درکار تھے یہاں مرادآباد کے سینئر لیفٹ آرم فاسٹ بولر احمر خان نے شاندار آخری اوور کیا اور اپنی ٹیم کو 11 رنز سے جیت دلوادی۔
اوور کی آخری گیند کرانے کے فورا بعد احمر اچانک پچ پر گر گئے۔ میدان میں موجود افراد کے مطابق ان کی سانس پھولنے لگی وہ پچ پر بیٹھ گئے اور اچانک بے ہوش ہو کر گر گئے۔
موقع پر موجود ڈاکٹر نے سی پی آر شروع کیا اور پھر احمر کو اسپتال منتقل کیا گیا، جہاں ڈاکٹروں نے ان کی موت کی تصدیق کردی۔
بھارتی میڈیا کے مطابق احمر خان مرادآباد کے کرکٹ حلقے میں ایک معروف نام تھے۔ وہ کئی برسوں سے ویٹرنز کرکٹ میں اپنی خدمات انجام دے رہے تھے۔
Catch all the کھیل News, Breaking News Event and Trending News Updates on GTV News
Join Our Whatsapp Channel GTV Whatsapp Official Channel to get the Daily News Update & Follow us on Google News.
خاص خبریں
