موبائل فون صارفین کو پی ٹی اے نے بڑی خوشخبری سنادی

پاکستان ٹیلی کمیونیکیشن اتھارٹی (پی ٹی اے) نے وائی فائی سیون کے لیے 6 گیگا ہرٹز بینڈ کی منظوری دے دی ہے۔

 پاکستان ٹیلی کمیونیکیشن اتھارٹی کی جانب سے وائی فائی سیون کیلئے 6 گیگا ہرٹز بینڈ کی دی گئی منظوری کے تحت ملک میں آنے والی تمام نئی وائی فائی جنریشنز کو اس جدید بینڈ میں استعمال کی اجازت مل گئی ہے۔

 پی ٹی اے کے مطابق پاکستان ایشیا کے ان چند ممالک میں شامل ہو گیا ہے جو اس جدید ٹیکنالوجی کو اپنانے والا ہے۔ وائی فائی سیون تیز ترین ڈیٹا ریٹس، کم latency اور بہتر کارکردگی فراہم کرتا ہے، جو گھروں، چھوٹے کاروباروں، تعلیمی اداروں کے علاوہ صحت عامہ کے مراکز اور اسمارٹ سٹی منصوبوں میں تیز اور مستحکم کنیکٹیویٹی کو یقینی بنائے گا۔

 یہ قدم ملک میں جدید انفارمیشن اور کمیونیکیشن ٹیکنالوجی کے فروغ کے لیے اہم سنگ میل قرار دیا جا رہا ہے۔