یوٹیوب نے صارفین کی بڑی مشکل حل کر دی

ویڈیو اسٹریمنگ سروس یوٹیوب نے صارفین کے لیے ایک نیا فیچر متعارف کرایا ہے جس کے ذریعے وہ ویڈیو کے اختتامی اسکرین پر ظاہر ہونے والی ریکمنڈیشنز کو بند کر سکتے ہیں۔

 اینڈرائیڈ ہیڈلائنز کے مطابق یہ Hide بٹن ویڈیو پلیئر کے اوپری دائیں کونے میں دکھائی دے گا، جسے استعمال کرتے ہوئے صارفین تجاویز کو چھپا سکتے ہیں۔ اگر ضرورت ہو تو صارفین دوبارہ Show بٹن کے ذریعے ان تجاویز کو ظاہر بھی کر سکتے ہیں۔

اس فیچر کا اطلاق ہر ویڈیو پر علیحدہ علیحدہ ہوگا، یعنی ہر ویڈیو میں ریکمنڈیشنز کو بند کرنا ہوگا۔ علاوہ ازیں، یوٹیوب نے ڈیسک ٹاپ ورژن سے کم استعمال کی وجہ سے hover-to-subscribe بٹن کو بھی ہٹا دیا ہے۔

یہ اپڈیٹ صارفین کو بغیر کسی مداخلت کے ویڈیو کو آخر تک آرام سے دیکھنے کی سہولت فراہم کرنے کے لیے متعارف کروائی گئی ہے۔