آئی فون 17 باقاعدہ طور پر پاکستان میں متعارف؛ قیمت جانیں
iPhone 17 Officially Launched in Pakistan; Know the Price
ایپل کی نئی آئی فون 17 سیریز پاکستان میں باضابطہ طور پر فروخت کے لیے متعارف کروا دی گئی ہے۔
اس نئی لائن اپ میں آئی فون 17، آئی فون 17 پرو، آئی فون 17 پرو میکس اور انتہائی پتلا آئی فون ایئر شامل ہیں، جو پاکستان ٹیلی کمیونیکیشن اتھارٹی (PTA) سے مکمل منظور شدہ ہیں۔ اس منظوری کے باعث صارفین کو نیٹ ورک کی مکمل مطابقت اور وارنٹی سپورٹ کی ضمانت دی گئی ہے۔
آئی فون ایئر کی قیمتیں 256 جی بی ماڈل کے لیے 4 لاکھ 80 ہزار روپے سے شروع ہو کر 1 ٹی بی ماڈل کے لیے 6 لاکھ 46 ہزار 500 روپے تک ہیں۔ اسی طرح، آئی فون 17 کی قیمتیں 3 لاکھ 99 ہزار روپے سے 4 لاکھ 82 ہزار 500 روپے تک ہیں، جبکہ آئی فون 17 پرو کی قیمتیں 5 لاکھ 20 ہزار 500 روپے سے لے کر 6 لاکھ 86 ہزار 500 روپے تک ہیں۔
آئی فون 17 پرو میکس کی قیمتیں سب سے زیادہ ہیں، جو 256 جی بی ماڈل کے لیے 5 لاکھ 65 ہزار روپے سے شروع ہو کر 2 ٹی بی ماڈل کے لیے 8 لاکھ 98 ہزار 500 روپے تک جاتی ہیں۔
پاکستان میں ایپل کی نئی سیریز کی قیمتیں امریکی مارکیٹ کے مقابلے میں کہیں زیادہ ہیں، جس کی بنیادی وجہ درآمدی ڈیوٹیز، مختلف ٹیکسز اور PTA کی رجسٹریشن فیس ہیں۔
مثال کے طور پر، امریکہ میں آئی فون 17 پرو میکس کی قیمت 1,199 ڈالر سے شروع ہوتی ہے، جبکہ پاکستان میں اسی ماڈل کی 256 جی بی ورژن کی قیمت 5 لاکھ 65 ہزار روپے مقرر کی گئی ہے۔ یہ فرق درآمدی اور مقامی چارجز کی وجہ سے ہے جو صارفین کی جیب پر اضافی بوجھ بنتے ہیں۔
Catch all the سائنس و ٹیکنالوجی News, Breaking News Event and Trending News Updates on GTV News
Join Our Whatsapp Channel GTV Whatsapp Official Channel to get the Daily News Update & Follow us on Google News.










