صارفین کیلئے نادر موقع؛ آئی فون 17 خریدنے کے خواہشمندوں کیلئے بڑی خوشخبری

آئی فون 17 خریدنے کے خواہشمند اب اسٹینڈرڈ چارٹرڈ بینک سے آسان ماہانہ اقساط پر حاصل کر سکتے ہیں۔  

اسٹینڈرڈ چارٹرڈ (SC) بینک نے اپنے کریڈٹ کارڈ صارفین کے لیے ایک منفرد اور پرکشش آفر متعارف کراتے ہوئے اعلان کیا ہے کہ اب صارفین جدید ترین آئی فون 17 سیریز کے تمام ماڈلز اور رنگوں کو 0 فیصد مارک اپ کے ساتھ آسان ماہانہ اقساط پر حاصل کر سکتے ہیں۔

 یہ سہولت صرف بینک کے کریڈٹ کارڈ ہولڈرز کے لیے دستیاب ہے اور اس میں تین، چھ اور بارہ ماہ کی قسطوں کا انتخاب کیا جا سکتا ہے۔

بینک کی جانب سے جاری کردہ تفصیلات کے مطابق اس “SC آسان انسٹالمنٹ پلان” کے تحت تین ماہ کے پلان پر 2.99 فیصد، چھ ماہ پر 5.99 فیصد اور بارہ ماہ کے لیے 11.99 فیصد پراسیسنگ فیس لاگو ہوگی۔ ان اقساط پر فیڈرل ایکسائز ڈیوٹی (FED) بھی لاگو ہوگی جو صارف کے علاقے کے مطابق وصول کی جائے گی۔

اس سہولت کا مقصد صارفین کو جدید ٹیکنالوجی تک آسان رسائی فراہم کرنا ہے، بغیر کسی فوری مالی بوجھ کے۔ بینک کا کہنا ہے کہ یہ آفر صرف محدود اسٹاک کے لیے ہے اور تمام آرڈرز پہلے آئیے، پہلے پائیے کی بنیاد پر پروسیس کیے جائیں گے۔

اس پیشکش کے ذریعے اسٹینڈرڈ چارٹرڈ بینک نے ایک مرتبہ پھر اپنی کسٹمر فرینڈلی پالیسیوں کا ثبوت دیا ہے، جو نہ صرف صارفین کی مالی ضروریات کو مدِنظر رکھتی ہے بلکہ انہیں نئی ٹیکنالوجی سے ہم آہنگ رکھنے میں بھی مدد دیتی ہے۔